БАРАА БУЦААХ, СОЛИХ ЖУРАМ

Цахимаар захиалсан барааны размер таарахгүй, эсвэл өөр өнгө, загвараар солих хүсэлтэй бол дараах нөхцөлийг хангасан тохиолдолд хүсэлт гаргаж болно:

·         Барааг хүлээн авснаас хойш 7 хоногийн дотор хүсэлт гаргасан байх.

·         Бараа өмсөж хэрэглээгүй, угаагаагүй, гэмтээгүй байх.

·         Шошго, дагалдах хэрэгсэл болон анхны сав баглаа боодол боломжтой хэмжээнд бүрэн байх.

·         Худалдан авалтыг нотлох баримт эсвэл захиалгын дугаартай байх.

Солих боломж нь тухайн барааны үлдэгдэл болон нөхцөлөөс хамаарна. Үнийн зөрүү гарсан тохиолдолд зөрүүг харилцан тохиролцож тооцно.

Дараах тохиолдолд хэрэглэгч бараа буцаах, солих эсвэл төлбөр буцаан авах хүсэлт гаргаж болно:

·         Бараа гэмтэлтэй, чанарын доголдолтой ирсэн.

·         Захиалсан бараанаас өөр загвар, өнгө, размер ирсэн.

·         Захиалгын тоо ширхэг дутуу ирсэн.

·         Барааны талаар урьдчилан мэдээлээгүй зөрчил, доголдол илэрсэн.

Ийм хүсэлтийг шалгаж, холбогдох хууль тогтоомжийн дагуу шийдвэрлэнэ. Хэрэглэгчийн хувийн сонголт, размер таарахгүй байх зэрэг шалтгаанаар буцаах хүсэлт гаргасан тохиолдолд тухайн барааны нөхцөл болон холбогдох хууль тогтоомжийг харгалзан шийдвэрлэнэ.

Хэрэглэгч манай дэлгүүрт өөрийн биеэр ирж барааг сонгон, размер, өнгө, загварыг шалгаж худалдан авсан тохиолдолд хувийн сонголт өөрчлөгдөх, размер таарахгүй байх зэрэг шалтгаанаар барааг буцаах, солихгүй.

Худалдан авалт хийхээс өмнө барааны размер, өнгө, загвар болон бусад үзүүлэлтийг сайтар шалгаж сонголтоо хийнэ үү. Харин бараа үйлдвэрлэлийн доголдолтой, чанарын шаардлага хангаагүй эсвэл хууль тогтоомжид заасан бусад үндэслэлээр хэрэглэгчийн эрх үүссэн тохиолдолд холбогдох хууль тогтоомжийн дагуу шийдвэрлэнэ.

Дараах нөхцөлд хэрэглэгчийн хүсэлтээр бараа солих, буцаах боломжгүй байж болно:

·         Хэрэглэгчийн буруугаас бохирдсон, урагдсан, гэмтсэн.

·         Угаасан, хэрэглэсэн эсвэл анхны байдлаа алдсан.

·         Шошго, дагалдах хэрэгслийг авснаас барааны анхны байдлыг шалгах боломжгүй болсон.

Эдгээр нөхцөл нь барааны анхнаасаа байсан доголдол, буруу нийлүүлэлт болон хэрэглэгчийн хуулиар хамгаалагдсан эрхэд хамаарахгүй.

·         Хэрэглэгч өөрийн хүсэлтээр барааны размер, өнгө, загварыг солих тохиолдолд барааг буцаан хүргүүлэх болон дахин хүргүүлэх зардлыг хэрэглэгч өөрөө хариуцна.

·         Манай дэлгүүрийн буруу нийлүүлэлт, барааны доголдол болон дэлгүүрээс шалтгаалсан бусад асуудлын улмаас буцаалт, солилт хийх тохиолдолд хүргэлтийн зардлыг холбогдох хууль тогтоомжийн дагуу шийдвэрлэнэ.

Онлайн захиалгын барааг буцаах, солих хүсэлт гаргахдаа дараах мэдээллийг манай үйлчилгээний ажилтанд илгээнэ үү:

·         Захиалгын дугаар эсвэл төлбөрийн баримт.

·         Барааны нэр, размер, өнгө.

·         Буцаах эсвэл солих болсон шалтгаан.

·         Барааны зураг, шаардлагатай тохиолдолд бичлэг.

·         Холбогдох утасны дугаар.

Манай ажилтан хүсэлтийг хүлээн авч, дараагийн алхам болон барааг хүргүүлэх зааврыг өгнө.